Police for Bayelsa south of Nigeria, impose dusk to dawn curfew for di state on Friday as katakata burst for different parts of di state.

Commissioner of police for di state, Uche Anozia, bin announce di curfew shortly before swear-in Peoples Democratic Party candidates Douye Diri as govnor and Lawrence Ewhrudjakpo as im deputy for Goment House.

Di decision of di Supreme Court to remove di APC candidates David lyon and Biobarakuma Degi-Eremienyo as govnor elect of di state cause kasala as supporters of di party begin to protest plus scata tins.

Tori be say di protesters go di former govnor, Seriake Dickson house plus di new PDP govnor house to attack and destroy tins.

Jaguda pipo also enta Radio Bayelsa wunjure some pipo plus destroy many tins include private motor of staff.

car wey jaguda pipo scata for Radio Bayelsa

Diri Certificate of Return

Nigeria Independent national electoral commission (INEC) issue di people’s Democratic Party Candidate, Douye Diri e certificate of return to be di new govnor of Bayelsa State.

READ  President Buhari Don Finally Tok About Weda Im Be Clone

Dis na afta Inec say dem accept di Supreme court judgement wey declare Douye Diri as winner of Bayelsa state election.

Di chairman of di commission, Professor Mahmood Yakubu say dem don receive di court judgement and wetin di court ask dem to do.

On Thursday, Supreme Court for Abuja cancel Bayelsa State governor-elect David Lyon as winner of di 2019 election for di state.

govnor Duoye Diri dey do swearing-in

Di five-man panel of Nigeria highest court bin declare PDP candidate Douye Diri as winner of di state governorship election.

Di court decision turn table for oga Lyon wey dem for swear into office on Friday, February 14, afta all di plenti preparation wey im don bin dey do for di inauguration.

Comments

comments

Share:

Chief Editor at Peegyn, News and Media Savvy...Extrovert and a fun loving person. Trust me to keep you posted.

Leave a Reply

Your email address will not be published. Required fields are marked *