EntertainmentNews

BBNaija: FG dey plan to do dia own ‘show’

Di Nigerian Federal goment dey reason new show wey go “excite di Nigeria youths dem and go fit establish cultural values.”

According to tori pipo for di kontri, Director-General of di National Council for Arts and Culture, Otunba Segun Runsewe tok dis one wen im host di National Council of Women Societies (NWNS).

Oga Runsewe tok say im don dey get many complaints about one TV station wey dey promote tins wey dey against Nigerian culture.

“We no go siddon dey look any actions wey go against our culture, and wey go make di heroes past dey turn vex for dia graves.” Runsewe tok.

E also tok say, di Council dey join bodi with di National Assembly, to stop di trend of public nudity for di media.

Di Presido for di NWNS, Dr. Labara Shoda also join mouth to condemn nudity as she sef follow tok say, need dey to get television show wey go dey show better cultural content.

READ  Social Media Award For Nigeria Sama Actor Williams Uchemba Wit Tear Rubber Motor

Dis wan dey come as di popular Big Brother Naija show dey presently shele for di kontri.

Di show don attract several tok-tok and petition sef to ban am. Recently, one petitions joinboidi ChangeGo release dia own petition wey call on di oga of di National Film and Video Censors Board, Adedayo Thomas say make e either put laws for di show, ban di show or resign.

 

Comments

comments

Tags
Show More

Tobi Akinola

Chief Editor at Peegyn, News and Media Savvy...Extrovert and a fun loving person. Trust me to keep you posted.

Related Articles

Leave a Reply

Your email address will not be published. Required fields are marked *

Back to top button
Close