Local News

Boko Haram kill 23 pipo on dia way from burial

Boko Haram don kill 23 mourners for Borno state north east Nigeria as dem bin dey return from burial.

Tori pipo AFP report say di incident happun on Saturday morning, di attackers wey bin dey on top three okada begin shoot some men wey bin dey waka come back from burial of one of dia relatives for Nganzi village near di state capital Maiduguri.

Leader of di vigilante group for di area, Bunu Bukar Mustapha tell AFP say im men recover “23 deadi bodi from di place wey di attack happun.

Di vigilante pipo bin go collect di deadi bodi afta di pipo wey survive di attack return dia village tok wetin dia eye see.

Dis na where di group scatter for February 2017.

One official for Nganzai province also confam di incident.

“I receive calls from Nganzai say Boko Haram kill 23 pipo near Badu Kuluwu dis morning,” di official wey wan remain anonymous tok.

E don tey wey Boko Haram don dey attack pipo of Nganzai village.

Dis incident dey come days afta stray bullet touch two studenst for University of Maiduguri afta Boko Haram attack one IDP camp near di school.

Comments

comments

Related posts

Messi chop double disappointment for 2018/2019

Tobi Akinola

Nigeria vs Iceland: Super Eagles Coach Say Im Sabi Di Best Formation

Tobi Akinola

You Too Small. Apostle Suleman Attack T.B Joshua

Tobi Akinola

Leave a Comment

* By using this form you agree with the storage and handling of your data by this website.