Business Local News

Central Bank don bring solution to your doti naira notes

Nigeria Central Bank CBN don start new policy wey dem wan use comot all di doti moni wey dey area.

Dis one mean say dem go replace all di doti naira notes wit new ones according to di CBN Director of Currency Operations madam Priscilla Eleje.

“If you get tia-tia moni, doti moni, carri am go bank, dem go replace am for you. But if dem no gree, report dem to central bank,” na so madam Eleje tok.

Di new policy go require anybodi wey get doti naira notes to carri dem go bank so dat bank go replace am while CBN on dia own go make sure say dem dey supply clean notes to banks wey dem go dey give out to pipo.

CBN clean note document

Tok-tok pesin of CBN Isaac Okoroafor say di new policy go help stop counterfeiting of Nigeria naira and help make evribodi get only clean-clean naira notes.

“Di policy dey start on Tuesday and evribodi wey get di doti notes fit go change am today,” na wetin Okoroafor tok.

Central Bank say dem dey ready measures wey dem go use punish banks wey no gree replace doti naira notes and di ones wey give pipo old bad naira notes.

Clean Notes Policy

How di policy go affect you

  • Dis new policy go give you right to carri your old or doti naira notes go give banks and dem go give you new ones
  • Di policy go give you phone number wey you fit call to report any bank wey no gree collect your old or doti naira notes
  • Di policy go give you right to reject any doti naira notes wey any bank give and you fit report dem to central bank if dem no gree change di doti naira notes
  • Di new policy also wan make evribodi dey handle naira notes well, make dem no doti, squeeze or spray am
  • For di new policy, ATM machines no suppose dey bring out doti notes and if you see any ATM wey dey bring out doti notes, report am to CBN.

Comments

comments

Related posts

NASS: 38 Members Of Di House Don Comot From Di Ruling APC

Tobi Akinola

Port Harcourt Building Collapse: If Anybody Wey Trap Inside Now Dey Alive Na Miracle – NEMA

Tobi Akinola

Okada Riders And Touts Beat Zonal Head Of LASTMA Until He Change Address Go Heaven For Apapa

Tobi Akinola

Leave a Comment

* By using this form you agree with the storage and handling of your data by this website.