Health Local

Ebola no dey Nigeria – FG

Nigerian goment don tok say make pipo no believe di tori wey dey waka upandan say Ebola dey Nigeria.

Di Permanent Secretary, Federal Ministry of Health, Abdullaziz Mashi Abdullahi, tok say na rumour and dem don increase how dem dey inspect di pipo wey dey enter Nigeria from di different points of entry. Im add say dem dey also test any pesin wey sick wey dey enter di kontri.

“I fit tok say none of di patients wey we look, test positive for Ebola and any other deadly disease” Abdullahi tok for statement.

He also add sat dem dey work and follow international health regulations to protect Nigerians.

Di recent Ebola outbreak for Democratic Republic of Congo na di second-largest for history as more dan 1,400 pipo don die. Uganda, wey be neighbouring kontri don also record some cases.

Abdullahi tok say Nigeria Ebola Preparedness team, wey Nigeria Centre for Disease Control (NCDC) dey monitor, conduct assessment with guidelines wey di World Health Organization bring. Di report show say Nigeria get low risk to carry ebola from Democratic Republic of Congo (DRC) and Uganda.

Comments

comments

Related posts

BREAKING: Benue Assembly Don Suspend 7 Members For 6 Months

Tobi Akinola

My Wife Dey Born Pikin Like Rat

Tobi Akinola

Kaduna Crisis: Goment Don order 24 Hour Curfew

Tobi Akinola

Leave a Comment

* By using this form you agree with the storage and handling of your data by this website.