NewsPolitics

Edwin Clark: Police Suppose Do Open Investigation – Saraki

Senate president, Bukola Saraki don call Nigeria police force to do open and correct investigation for di way wey some policemen go search di house of Chief Edwin Clark.

For im Twitter handle oga Saraki say wetin di policemen wey go raid Clark house do na threat to democracy.

“Evribodi know say di second republic senator na somebodi wey no dey cover mouth for national issues.”

Police oga patapata, Ibrahim Idris, don already say sorry to chief Edwin Clark but Mr Saraki say di sorry no do.

“Now wey be say di Inspector General of Police don deny say im no give order for di raid, di next move na for dem to do correct and open investigation.”

According to Saraki, if police get correct reason to search di elder statesman house, nobody go blame dem.

But say dem no see di illegal weapons wey dem find go, e mean say somtin dey inside.

READ  2019 Election: We No Go Allow You Rig Election

“Di action of di Police no shows odas good image of our kontri. E show serious abuse of state institutions.

“All dis kinds of jagajaga tins must stop. Dis kontri don experience peaceful change for 2015 because di goment wey dey power allow democracy to work”.

 

Comments

comments

Tags
Show More

Tobi Akinola

Chief Editor at Peegyn, News and Media Savvy...Extrovert and a fun loving person. Trust me to keep you posted.

Related Articles

Leave a Reply

Your email address will not be published. Required fields are marked *

Back to top button
Close