Sources don reports say di Comptroller General (CGI) of Nigeria Immigration Service (NIS), wey b Muhammad Babandede, don reveal plans wey di Federal Government wan introduce one new policy ontop Visa for Nigeria.
Babandede don make di announcement for di.weekend during di NIS dinner for Abuja.
“Di e-visa policy go encourage investors to Nigeria and e go com generate Foreign Direct Investment (FDI) come Nigeria and e go make Nigeria a most preferred destination through transparency for administration and facilitation of facilities by service.
“I go assure you say e go b transparent and we go comot cash payment and go ensure say no security go dey compromised. E go balance between facilitation, transparency and protection of national security”.
Di C-G don commend di team wey developed di software for officers to take e- examinations.
“As you don dey aware, we b regimented institution. We don do all wetin we fit do for 2019 by dismissing officers for corruption, absenteeism, reduction of ranks of officers and investigating those wey don collect money from applicants or ordinary Nigerians illegally.
“So having worked tirelessly, we go dedicate one day make we commend those wey don served well and dis go also serve as one example give others so dem go follow di part.
“Governance no b about punishing people every day. Na also about rewarding and bridging gaps between officers and men by coming together dining, dancing and rejoicing,” e tok.
Abeg Share Dis Tori.