Game Of Thrones return for di number eight and final season on Monday morning afta nearly two-year absence.
HBO show di episode one of di fantasy epic at di same time for US and UK, even pipo for Africa catch di moment.
Hardcore Nigerians fans get to stay up until 2am (0100GMT) to return to di Westeros winter for di first time since August 2017.
Secrets reveal and families reunite as di battle for di Iron Throne iincrease, and di ‘undead’ army approach ever closer.
Pipo wake up on Monday morning to see say everthin ontop dia twitter trend na about Game of Thrones.
Di main question go still be weda di show go dey worth am wen pipo finally see am and wen dem go fit to see am?
Wetin pipo do to watch di premiere
According to HBO last month, 81 million pipo bin watch di trailer across all online platforms (including Twitter, YouTube, Facebook) inside just 24 hours.
Episode one, starring Williams, Kit Harington as Jon Snow and Emilia Clarke as Daenerys Targaryen, as well as Lena Headey’s Cersei Lannister,get running time of 54 minutes which be like di shortest of di eighth season.
The third instalment na dem say go be di longest, running to 82 minutes.