Prophet Nigel Gaisie, don yan on top di death of di basketball, player wey b Kobe Bryant and im daughter wey b Gianna Bryant.
Di man of God as e dey preach and dey prophesy to im congregations don Yan say e go fit wake up Kobe Bryant and im daughter from di dead.
However, there go b some conditions wey go follow am. According to di self-proclaimed man of God, e go only do am if dem go give am 10% of Kobe’s net worth.
“Di Lord just carry me go inside di spirit world, and I don see one great man fall.
Dis news go shake di entire world because of how great dis man dey. I don see as plenty pipo dey tok ontop social media about di man for weeks to come and I don see plenty faces wey no dey happy.”
“America go mourn dis great man. Di Lord don instruct me make I announce to di family of dis man, di American embassy for Ghana and di entire world dat Im wey b Lord neva sanction di death of dis man.
E also tell me say, ‘Nigel, make you tell di family of dis man and make you tell di entire world say Shey dem go agree to pay my tithes and offerings I go use you as a vessel to bring dis man and im daughter back to life.’”
Prophet Nigel don asserted say if dem no pay di 10% offer, e no go fit bring di man and im daughter back to life because dat na di instruction wey God Almighty God don give am.
“Di man dey worth 500 million dollars and Shey di family go agree make dem pay 10% of im income to me, I go bring dem back to life. Na Lord tok dis! Without di money, I no fit bring im and di little girl back.”
Prophet Nigel Giasie after e don tok these com ask im congregation make dem pray in tongues and dey thank di Lord as e wan use im and dia church do dis big miracle.
E don even go forward to admonish di congregation make dem make sure say di message reach di American consulate for Ghana, di family of di late Kobe Bryant, and also don warn im congregants make dem no doubt di words of Almighty Jehovah or else dem go face some serious repercussions.
Abeg Share Dis Tori For More.