International News

Insecurity: Police rescue four Turkey construction workers for Kwara

Police for central Nigerian state of Kwara don confirm di release of four Turkey nationals wey kidnappers gbab for beer joint last week.

Kwara state commissioner of Police, Kayode Egbetokun tell BBC say dem rescue dem for inside bush on Friday.

According to oga Egbetokun, local vigilantes and team of police officers wey di Inspector General of police, Abubakar Mohammed Adamu send from Abuja plus local state police na dem join hand for di rescue operation.

Di kidnappers earlier request for four hundred Naira ransom, which dem later reduce to one hundred million. But Police say dem no pay any money at all as ransom before dem rescue di victims.

Na on di 20th of June, 2019 six gunmen kidnap di four Turkey oyibo wey be construction workers.

Kidnapping for ransom na something wey dey frequent for Nigeria as jaguda pipo dey target both locals and expatriate for di kontri.

READ  Ekiti Election: 'Police Slap Me, Come Shoot Me' - Govnor Ayodele Fayose

On Tuesday, pirates take ten Turkey sailors hostage as dem attack dia cargo ship off di coast of Nigeria, until now, dem never regain dia freedom.



Related posts

Mildred Ehiguese Don Win Miss Nigeria 2017

Tobi Akinola

Obafemi Awolowo University say ‘sex for marks’ audio na true

Heraxis Media Company

Osun Election 2018: Police Don Gbab Two ‘Vote Buyers’ As Voting Still Dey Go On

Tobi Akinola

Leave a Comment

* By using this form you agree with the storage and handling of your data by this website.