‘Jubril Aminu’ Tori Say Na Fake Buhari Dey Rule Nigeria No Get Evidence

Tori pipo AFP comot one tori wia dem tok about di different times wen pipo don claim say di Nigeria President Muhammadu Buhari wey everibodi dey see now na fake.

Inside di tori dem say all di pipo wey dey claim say na fake Buhari dey rule, including pipo like Ipob leader Nnamdi Kanu, former minister Femi Fani-Kayode and book author Reno Omokri, no give one evidence to support wetin dem dey tok.

Di koko of many of dis claim against di Nigeria leader na say one man Jubril Aminu from Sudan na im goment change im bodi and face to resemble Buhari, say di real Buhari don die.

Muhammadu Buhari

Dis kain ‘fake Buhari’ tok dey popular for social media well well and according to AFP, more than 500,000 times na im dem don share am, and although some pipo no believe am, odas dey convinced say na anoda pesin dey rule di kontri.

Nnamdi Kanu claim say President Buhari na fake Buhari

For one tweet, leader of Indigenous People of Biafra (Ipob) Nnamdi Kanu put two foto wey show Buhari dey use right hand to write inside one foto and left hand for di second foto.

But AFP do research to show say na technology dem take turn one foto to di oda side, wey come make am look like say oga Buhari dey take im left hand to write (many pipo sabi say na right hand Buhari dey everly dey use).

Nnamdi Kanu claim say President Buhari na fake Buhari

Till today di goment neva respond to all di allegation of ‘fake Buhari’.

Show More

Tobi Akinola

Chief Editor at Peegyn, News and Media Savvy...Extrovert and a fun loving person. Trust me to keep you posted.

Related Articles


  1. Here are The Best Fiverr SEO Gigs for 2019:

    1) Improve SEO by increasing referring domains
    2) Catapult Your Rankings With My High Pr Seo Authority Links
    3) Boost Your Google SEO With Manual High Authority Backlinks And Trust Links
    4) Create A Full SEO Campaign For Your Website
    5) Omega V1 SEO Service, Link Building For Website Ranking
    6) Create A Diverse SEO Campaign For Your Website
    7) Pro1 SEO Package And Explode Your Ranking

    Click here to read more – The Best Fiverr SEO Gigs
    for 2019

Leave a Reply

Your email address will not be published. Required fields are marked *