Canada singer Justin Bieber don challenge movie actor Tom Cruise to fight am inside Ultimate Fighting Championship ring.

Bieber for inside tweet say if di Hollywood actor no fight am e mean say Tom Cruise dey “fear am.”

Bieber wey dey known for popular songs like What do you meanSorry and Love yourself dare di Mission: Impossible actor to come face am and also tag UFC president Dana White to help set up di match.

Twitter post by @justinbieber: I wanna challenge Tom Cruise to fight in the octagon. Tom if you dont take this fight your scared and you will never live it down. Who is willing to put on the fight? @danawhite ?

Di tweet prompt former UFC champion Connor McGregor to step in come and reveal say im McGregor Sports and Entertainment go host di fight if Tom Cruise dey “man enough to accept di challenge.”

Twitter post by @TheNotoriousMMA: If Tom Cruise is man enough to accept this challenge,McGregor Sports and Entertainment will host the bout.Does Cruise have the sprouts to fight, like he does in the movies? Stay tuned to find out!

E no dey clear wetin go make Bieber say im wan fight Tom Cruise wey im work mostly as actor na to perform stunts for action movies.

Even wit Bieber open challenge to di actor, Tom Cruise neva respond to tweet or make any comments if di fight go happun or not.

READ  FaceApp challenge: Tonto Dike, Ali Baba, Jonas Brothers, Ludacris, oda celeb dey post old age look

Comments

comments

Share:

administrator, bbp_keymaster

Leave a Reply

Your email address will not be published. Required fields are marked *