LocalNews

New monkeypox outbreak no dey for Lagos, Rivers, Akwa-Ibom or anywia inside Nigeria – NCDC

Di Nigeria Centre for Disease Control (NCDC) don tok say d local tori pipo wey dey carri up and down say monkeypox disease full everywia for some of di kontri major states, dey confuse di public.

NCDC don tok say dem dey see tori wit title like ‘Monkeypox don hit Lagos, Rivers, Akwa-Ibom’ but all of dem no b true as no new outbreak of monkeypox dey inside those state or anywia inside our obodo Nigeria.

Di joinbodi wey dia job na to torchlight disease inside West African kontri don tok say since reports of di first case enta dia ear for 2017, dem don dey monitor all di small small cases across di kontri.

“NCDC don kontinu to record di small small cases of monkeypox almost every week inside many states for Nigeria. We don kontinu to ginger our team for state level to sharperly torchlight and respond to monkeypox cases dem”.

READ  Gunmen don kill Elisha Abbo uncle, kidnap im stepmother

Ontop di agency website, dem don put for dia current weekly report say na three ‘suspected’ cases dem see – two for Lagos and one for Rivers. And nobodi die from am.

According to wetin World Health Organisation (WHO) tok,monkeypox na disease wey dey common for central and west Africa and e resemble smallpox.

For inside statement wey NCDC release on Friday, dem don draw ear give local tori pipo make dem no dey rush to comot tori wey no true.

“We dey here all di time to ansa your kweshion and make you understand tins. Abeg make una dey follow us tok before una dey publish dis tori dem”.

Di agency na im get power for Nigeria to declare disease emergency or say outbreak dey and dis na sometin wey dem say dem never do for monkeypox.

Abeg make una come back for more tori.

Comments

comments

Tags
Show More

Tobi Akinola

Chief Editor at Peegyn, News and Media Savvy...Extrovert and a fun loving person. Trust me to keep you posted.

Related Articles

Leave a Reply

Your email address will not be published. Required fields are marked *

Back to top button
Close