Nigeria senate President Ahmed Lawan don tok say di temporary coronavirus isolation centre for Abuja, Nigeria capital “no dey in good shape.”
According to oga Lawan dis na becos of say dem never release di money, N620 million wey dem budget to set up di centre.
Im tok dis one after im visit di centre wey dey for University of Abuja Teaching Hospital, Gwagwalada.
Di senate presido say: “we go get across to di Minister of Finance and all di oda authorities wey get anytin to do with dis, to release di money between today and tomorrow (Thursday) latest”.
Im still add say di situation no dey acceptable and dem suppose shaperly fix di centre.
ABEG SHARE DIS TORI FOR MORE.