People wey dey live for Kano go fit sleep wit two eyes again afta zoo authorities don confam say dem don catch d lion wey escape comot im cage on Saturday.
On Sunday, oga patapata for di Kano Zoological Garden for northern Nigeria Saidu Gwadabe Gwarzo don tok say dem don find di lion back, one day afta di lion run away.
They tok say dem see di lion inside di big place wey dem dey keep goats. But no goat survive am as e don chop all of dem finish.
Mallam Gwarzo don tok say dem shoot am injection wey go make am sleep.
But now dem don return am to im cage.
Di zoo na di same one wey for July 2019, tori comot say gorilla swallow one N6.8 million wey dem dey find. Di state govnor Abdullahi Ganduje later come out to tok say no b true tok, but dem dey suspect say workers for dia thief am.
Make una come back for more tori.